DILI, (TATOLI) – Tribunál Rekursu, kinta (6/4) haruka ona projetu lei pensaun vitalisia ba Prezidente Repúblika, Taur Matan Ruak tanba la-identifika konstitusionalidade.
“Horiseik, (kinta, 6/4) ha’u simu husi Tribunál Rekursu katak la-viola konstituisaun”, Xefe Estadu informa ba estudante Universidade Dili, sesta, (7/4) iha Mascarenhas.
Durante aula jerál ho tema, haree ba pasadu, refleta iha prejente hodi projeta ba futuru (olhar para o pasado, refletir o presente e projetar para o futuro), Taur Matan Ruak hatutan, desizaun ne’e, nu’udar Xefe Estadu obrigasaun promulga lei ne’e tuir konstituisaun haruka.
Nia esplika, alternativa rua atu foti desizaun, ida tenke haruka fila fali ba Parlamentu Nasionál atu hadi’a no ida seluk maka promulga.
“Prezidente tenke haruka fila ba parlamentu no parlamentu haruka fila mai, hakarak no lakohi tenke promulga no alternativa ida seluk maka tenke aprova kedas”, hatutan.
Maske ho desizaun ida dilematiku, maibé kontinua preokupa.
Jornalista: Agapito dos Santos
Editora: Rita Almeida
