DILI, (TATOLI) – Primeiru Ministru, Rui Maria de Araújo husu ba inan aman sira atu lori labarik sira ba imunizasaun atu hetan vasina, nune’e bele hadok hosi moras oioin.
Xefe Governu bainhira selebra loron imunizasaun mundiál iha sentru saúde Bekora ohin, hatutan imunizasaun importante ba labarik sira atu prevene moras, kuandu labarik sira la hetan vasina sei hetan moras.
Kuandu futuru di’ak ba labarik sira tenke lori ba imunizasaun hanesan tinan ida labarik sira tenke vasina dala lima.
Vasina, nia dehan hanesan responsabilidade ema hotu, tantu autoridade no sosiedade atu kontrola. Vasina hanesan metodu estratéjiku atu garante labarik sira nia imunidade.
Hatutan tan, durante ne’e, vasina atinje ona pursentu 97.
Loron mundiál ba imunizasaun hetan partisipasaun hosi komunidade, autoridade lokál, Primeiru Ministru, Vise Ministra Saúde no seluk tan.
Jornalista: Zezito Silva
Editora: Rita Almeida
