DILI, (TATOLI) – Bolseiru timoroan ne’ebé governu haruka estuda iha estranjeiru pursentu 60 resin iha ona servisu, enkuantu pursentu 20 kria empregu rasik.
Sekretáriu Ezekutivu FDCH (Fundo Desenvolvimento Capital Humano), Isménio Martins ba profisionál komunikasaun sosiál iha salaun Ministériu Defeza, Fatuhada, kinta (27/4), hatutan, totál universidade husi CPLP (Comunidade dos Países da Língua Portuguesa), Áziatika no seluk tan hamutuk 221. “Totál mil seiscentos graduadus (1.600)”, informa.
Ministériu Saúde (MS), bolseiru sira ne’ebé fila, hein hela prosesu atribui vaga ba profisionál saúde sira. MS serbisu hamutuk ho Komisaun Funsaun Públika (KFP) hodi bele integra iha prosesu.
“Entaun pursentu 20 ne’ebé mak buka hela serbisu ne’e agora dadaun komesa ona atu tama serbisu”, konklui.
Jornalista: Rafy Belo
Editora: Rita Almeida
