DILI, (TATOLI) – Departamantu Komunikasaun Sosiál (KS) ne’ebé hamahan aan iha Fakuldade Siénsia Sosiál (FSS), Universidade Nasionál Timor Lorosa’e (UNTL) sei komemora loron liberdade imprensa ne’ebé sei monu iha kuarta (3/5) ho espozisaun fotografia.
Tema ba espozisaun fotografia ne’e mak: “Imazen Deskobre Realidade”. Alende ne’e organiza mós semináriu ho tema: “Liberdade Media iha Sistema Demokrásia” ho oradór husi akadémiku no profisionál komunikasaun sosiál sira.
Atividade ne’e sei hala’o iha Kampus FSS, Kaikoli, tersa (2/5).
Loron ne’e kria husi UNESCO (United Nation for Education, Science and Culture), iha 1993, hodi hanoin hikas jornalista sira ne’ebé hetan violasaun, torturasaun no lakon vida bainhira hala’o kna’ar hodi buka informasaun.
Jornalista: Rafy Belo
Editora: Rita Almeida
