DILI, (TATOLI) – Universidade Nacional Timor Lorosa’e (UNTL) sei komemora loron lian no kultura CPLP (Comunidade dos Países da Língua Portuguesa) ne’ebé sei monu iha kuarta (5/5).
Komemorasaun ne’e sei hahú sábadu (2/5) to’o sábado (9/5) katak semana ida ho atividade oioin hanesan feira livru, espozisaun, palestra, dokumentáriu, teatru no dansa. Inklui, aprezentasaun livru, poezia, istória, semináriu, sinema, múzika no jogu.
Atividade sira ne’e organiza ho intensaun hodi kontribui ba valoriza no habelar lian no kultura espresaun dalen portugés iha Timor-Leste ne’ebé nasaun ne’e mós hola parte iha komunidade luzófona.
Bele asesu mós iha link ne’e: https://web.facebook.com/untl.edu.tl/photos/gm.1964033800492214/1410240462330668/?type=3&theater
Jornalista: Rafy Belo
Editora: Rita Almeida
