DILI, (TATOLI) – Prezidente Eleitu, Francisco Guterres Lú-Olo antes ne’e informa katak sei halo deklarasaun rikusoin ba Tribunál Rekursu (TR), nu’udar meius ida hatudu nafatin integridade no kredibilidade.
“Meius ida mós atu kombate korupsaun”, portavóz MUTL (Movimentu Universitáriu Timor-Leste), Faustinho Soares hateten iha Kampus Sentrál Universidade Nasionál Timor Lorosa’e foin lalais ne’e.
Seluk, tuir portavóz ne’e katak deklarasaun rikusoin nu’udar mós aktu ida ba se de’it atu sai hanesan garantia ida bainhira asume kargu polítiku ruma. “Tanba ne’e la iha problema”, akresenta.
Kona-ba prezidente eleitu ne’ebé mai husi Partidu FRETILIN (Frente Revolucionário de Timor-Leste Indepedente) ne’e hodi sai ba xefe estadu, akadémiku ne’e konsidera katak prezidente eleitu Francisco Guterres, Lú-Olo, nu’udar ema ne’ebé iha sentidu estadista.
Notísia relevante, klik iha ne’e: http://www.tatoli.tl/2017/04/lu-olo-sei-deklara-rikusoin-ba-tribunal/
Jornalista: Rafy Belo
Editora: Rita Almeida
