DILI, (TATOLI) – Kareta Batalliaun Ordem Públiku (BOP) ho xapa matrikula 02.752, ohin soke ai-rin eletrisidade iha área Kampung Tuti hodi rezulta ema nain rua tohar iha liman, ain no ida seluk kanek kaman iha ulun.
Vítima sira ne’e evakua kedas ba Ospitál Nasionál Guido Valadares ho kareta 112.
Tuir informasaun ne’ebé Tatoli rekolla katak asidente ne’e akontese maizumenus tuku 18.00 bainhira membru BOP halo hela patrollamentu hosi área Bebonuk relasiona ho kazu joven ne’ebé mate.
Sasin ne’ebé Tatoli hasoru hatete kareta ne’e halai ho velosidade.
Jornalista: Agapito dos Santos
Editora: Rita Almeida
