DILI, (TATOLI) – Uluk jornalista sira liberta ona pátria liuhosi dezempeña funsaun profesionál hodi públika informasaun faktuál kona-ba invazaun, agora jornalista liberta nafatin ho kualidade no profesionál hodi ajuda dezenvolvimentu ba oin.
Primeiru Ministru, Rui Maria de Araújo hatete iha nia diskursu selebrasaun tinan ida ezisténsia Konsellu Imprensa ho konferénsia internasionál, ohin iha Delta Nova.
“Jornalizmu ne’ebé ho kualidade no profesionál ajuda prosesu luta libertasaun nian iha tempu koloniál ho dedika-án tomak liuhosi emisaun informasaun ba públiku”, haktuir.
Tuir nia, papél mídia importante atu garante demokrásia hodi kria pás no estabilidade iha Nasaun liuhosi informasaun edukativa, informativa no divetimentu.
Liberdade imprensa no espresaun hatudu jornalista sira iha hanoin ne’ebé krítiku, momentu krítiku iha servisu jornalizmu nian.
Enkuantu, durante tinan 15 nia laran, jornalista sira servisu maka’as hodi informa ba sosiedade kona-ba prosesu dezenvolvimentu nasionál.
Jornalista: Zezito Silva
Editora: Rita Almeida
