DILI, (TATOLI) – Universidade Nasionál Timor Lorosa’e (UNTL) ohin, gradua tan finalista nain 377.
Iha graduasaun ne’e finalista eh graduadu sira kompremetidu atu serbí komunidade no Nasaun tuir lei, ho onestidade no responsabilidade no onra nafatin ba almamater.
Komprimisu onra mak respeita ba norma sira hanesan moral tuir Maromak nia ukun fuan, dezenvolve no konsagra siénsia di’ak ba sosiedade, Estadu, Nasaun nomós sidadaun ho di’ak tuir lialoos.
Ezerse kna’ar ho onestidade, vontade di’ak, responsabilidade tuir kompeténsia no kapasidade siénsia ne’ebé hetan iha universidade. Fó prioridade ou preeminente ne’ebé hetan ba interese pesoál no grupu, respeita almamater no defende universidade nia naran di’ak.
Graduasaun ne’e bazeia ba konstituisaun artigu 59, lei ministériu edukasaun nomós dekretu lei númeru 16/2010 fulan-outubru estatutu UNTL nian.
Jornalista: Rafy Belo
Editora: Rita Almeida
