DILI (TATOLI)-Autoridade CPLP (Comunidade dos Países da Língua Portuguesa) liuhusi reprezentante estadu membru sira sei refleta kona-ba mudansa INE (Instituto Nacional de Estatística) ho pasejen Objetivu Dezenvolvimentu Milénio (ODM) ba Objetivu Dezenvolvimentu Sustentável (ODS).
Reflesaun ida ne’e sei halo liuhusi konferénsia da-hitu estatístika nian iha São Tomé e Princípe durante loron tolu, hahú segunda (12/06) to’o kuarta (14/06), haktuir nota informativa CPLP nian.
Halo reflesaun hodi demonstra medida saida mak instituisan sira prepara hodi akompaña no monitoriza ODS nune’e hodi prepara ronda foun ba sensu populasaun no abitasaun inklui INE ba introdusaun teknolojia foun ba halibur dadus estatístiku sira.
Kooperasaun área estatístika nu’udar vetór impulsionadór INE CPLP nian, iha kriasaun ba sinerjia, fahe esperiénsia no prátika di’ak sira, kapasitasaun kuadru no inovasaun teknolojia informasaun no komunikasaun.
Tema ba sorumutu reflesaun ne’e mak: “Agenda 2030 para o Desenvolvimento Sustentável e os desafios que se colocam aos Institutos Nacionais de Estatística da CPLP”.
Partisipante sira mak reprezentante husi estadu membru CPLP nian no diretora jerál komunidade luzófona, Georgina Benrós de Mello.
(Jornalista: Rafy Belo)
(Editór : Manuel Pinto)
