DILI, (TATOLI)—Forsa armada CPLP (Comunidade dos Países da Língua Portuguesa) sei hala’o operasaun Felino edisaun da-17 iha Brasil, haktuir nota informativa CPLP.
Objetivu husi operasaun ne’e mak atu optimiza kapasidade intervensaun mariña, ezersítu no Aeronáutica hodi apoiu ba paz no ajuda umanitária hodi resposta situasaun kríze iha nível estratéjiku, operasionál no tátiku.
Tanba ne’e, forsa armada husi estadu membru CPLP partisipa iha konferénsia internasionál organizasaun luzofóna ne’e nian iha loron hirak liu ba, 26 to’o 30 juñu hodi halo planeamentu finál exersísiu Felino, iha sidade da Serra Fluminense, Brasil.
Ezersísiu Felinu nu’udar planeamentu bienál ne’ebé komplementa tropa sira iha terenu ho objetivu hodi treina hamutuk no kombinada, organizasaun, planeamentu, komandu no kontrola operasaun ba apoiu paz no ajuda umanitária.
Entretantu, operasaun Felino da-16, antes ne’e, iha 2016, hala’o iha Cabo Verde.
Informasaun relevante bele asesu mós iha link ne’e: https://www.cplp.org/id-4447.aspx?Action=1&NewsId=5163&M=NewsV2&PID=10872
Jornalista: Rafy Belo
