DILI, (TATOLI) – Deputadu bankada Partidu Demokrátiku (PD), Manuel Carvalho husu ba governu atu toma atensaun ba setór privadu sira.
“Ita nia setór privadu nasionál sira iha vontade atu partisipa iha prosesu ba dezenvolvimentu estadu no dezenvolvimentu nasionál ne’ebé maka ema husi liur de’it mak okupa”, tenik nia iha plenária, tersa (10/10).
Tuir nia, dalabarak Governu fó sala ba setór privadu nasionál sira maibé la haree ba problema sira ne’ebé emprezáriu sira infrenta.
Hodi dehan, emprezáriu sira bainhira atu hala’o projetu no foti osan, ajénsia ka banku aplika funan boot, hafoin hatama pedidu, governu atraza iha pagamentu ba projetu.
“Se pagamentu atrazu, signifika osan husi pagamentu hodi halo no implementa projetu ne’e selu hotu ba funan”, afirma.
Jornalista: Julia Chatarina
Editora: Rita Almeida
