DILI, (TATOLI) – Prezidente Parlamentu Nasionál (PPN), Aniceto Guterres, hateten prontu atu simu proposta mosaun sensura ne’ebé sei aprejenta husi bankada oposizaun Kongresu Nasionál Rekonstrusaun Timor (CNRT-sigla portugés), Partidu Libertasaun Populár (PLP) no Kmanek Haburas Unidade Nasionál Timor Oan (KHUNTO) iha Parlamentu Nasionál.
ʺHa’u rona ona informasaun sira ne’e, mais ha’u la-preokupa ho informasaun sira ne’e no ha’u prontu iha kualker orasʺ, dehan nia ba jornalista sira iha Palásiu Prezidensiál Bairo-Pite, ohin.
Nia hateten, sei hala’o kna’ar hanesan bai-bain hodi garante funsionamentu meza parlamentu tuir lei haruka. ʺHa’u servisu bai-bain no normal helaʺ.
Jornalista: Agapito dos Santos
Editora: Rita Almeida
