MOP Sei Aprejenta Naran Ponte Komoro III Ba KM
DILI, (TATOLI) – Ministru Obras Públikas, Salvador Soares dos Reis Pires, hateten iha tempu badak sei aprejenta proposta naran ba ponte Komoro III iha reuniaun ministru sira iha semana oin.
Naran rua ne’e ida aprejenta hosi Governu no seluk hosi Governu Japaun ne’ebé nu’udar nain ba projeitu.
“Ohin ha’u hetan ona karta ofisiál hosi embaixada Japaun atu hatama iha proposta rezolusaun iha konsellu ministru para atu deside, ha’u tenta iha sesta ne’e la biban entaun sei lori ba kuarta feira semana oinʺ, dehan ministru iha salaun Laligi Lariguto Komisaun Nasionál Eleisaun Kaikoli, ohin.
Mesmu Governante sei sekreta proposta naran rua ne’e, tanba sei deside iha reuniaun KM. “Naran ne’e sei reflete liu ba kooperasaun entre governu Timor-Leste no Japaunʺ, afirma governante.
Primeiru-Ministru, Taur Matan Ruak, no Ministru Negosiu Estranjeiru Japaun maka sei inagura ponte foun ne’e iha semana oin.
Jornalista: Agapito dos Santos
Editora: Rita Almeida
