DILI, MUNISÍPIU

Xefe Estadu Husu Ba Komunidade Labele Tesi Ai

Xefe Estadu Husu Ba Komunidade Labele Tesi Ai

Prezidente Repúblika, Francisco Guterres Lú Olo, hamutuk ho entidade sira seluk kuda ai-oan iha área salaun Nobre Lahane, sesta, (8/2/2019). Imajen Egas Cristovão

DILI, (TATOLI) – Prezidente Repúblika, Francisco Guterres Lú Olo, husu ba komunidade atu labele tesi ai arbiru, tanba konsiénsia hodi proteje ai sei difisil.

Ne’e duni, Lú Olo husu ba komunidade atu labele tesi ai arbiru no labele estraga ai-oan sira ne’ebé maka hamriik iha fatin própriu ka zona, tanba ai nia importánsia boot teb-tebes, liu-liu atu asegura rai sira ne’ebé maka monu no fó mahon ba ema no balada.

“Ne’e edukasaun ida ne’ebé efisiente atu eduka ita-nia povu para bele kompriende didi’ak importánsia kuda ai-oan tantu iha sidade nomós iha zona rurál. Ha’u fiar katak iha tempu oin mai ita-nia populasaun sei fó importánsia ba asuntu ne’e (kuda ai-oan)”, Xefe Estadu ba jornalista sira iha Palásiu Nobre Lahane, Dili, sesta ne’e hafoin hamutuk ho funsionáriu Gabinete Prezidénsia Repúblika kuda ai-oan iha área Palásiu Nobre.

Lú Olo haktuir kuda ai-oan ne’e kontinuasaun hosi programa Prezidénsia Repúblika ne’ebé antes ne’e hahú ona iha fatin tolu maka hanesan área Estátua João Paulo II (Tasi Tolu), Golgota no Marabia.

Ai-oan ne’ebé kuda iha fatin refere (área Palásiu Nobre) hamutuk 600 kompostu hosi sabraka, kuluzaka, mahoni, salak no haas.

Jornalista: Xisto Freitas

Editora: Rita Almeida

iklan
iklan

Leave a Reply

iklan
error: Content is protected !!