DILI, 02 agostu 2019 (TATOLI)-Diretór Jerál Asuntu CPLP (Comunidade dos Países da Língua Portuguesa), Ministériu Negósiu Estranjeiru no Kooperasaun (MNEK), Avelino Fernandes Ximenes konsidera katak notisia ne’ebé fó sai hosi TATOLI, atividade kuaze intensivu, efetivu, progresu haree di’ak.
Ba oin TATOLI sei dezenvolve no evolui ho di’ak, tanba haree hosi atividade kobertura jornalista TATOLI halo. “Tuir hau-nia haree progresu no lala’ok di’ak liu, evalui maka’as iha kualidade frekuénsia publikasaun, ha´u haree di’ak tebes,” louva Diretór Jerál Asuntu CPLP, Avelino Fernandes Ximenes iha entrevista ho jornalista Ajénsia TATOLI iha nia kna’ar fatin, Praia dos Coqueiros, sesta (02/07/2019).
Diretor Jerál Asuntu CPLP, Avelino Fernandes Ximenes akresenta TATOLI ne’e foin dadauk mak estabelese maibé nia progresu haree maka´as. “TATOLI ha´u haree nia sei kontinua mantein ho nia atividade, notisia ne’ebé nia hatun agora daudaun, ha´u haree ba oin nia sei hetan progresu di’ak no evolusaun di’ak,” nia otimista.
Diretór Avelino Fernandes rekoñese TATOLI hanesan mídia estadu nian no parte ida husi governu. “Entaun governu presiza ajuda tan para nia progresu bele di’ak ba oin, TATOLI nia ezisténsia ne’e di’ak,” espera Diretór Jerál Asuntu CPLP, Avelino Fernandes Ximenes.
Jornalista : Nelia Fernandes
Editór : Rafy Belo
