DILI, 3 agostu 2019 (TATOLI) – Prezidente Repúblika (PR), Francisco Guterres Lú Olo husu ba parte justisa, tenke foti medida sériu hasoru suspeitu hirak ne’ebé komete kazu soe bebé.
“Kona-ba soe bebé, ida ne’e labele. Ita labele asseita buat ida hanesan ne’e. Justisa tenke foti medida sériu hasoru buat sira hanesan ne’e. Justisa tenke ativu hodi julga kazu hirak hanesan ne’e”, tenik PR Lú Olo ba jornalista sira, iha Salaun Katedrál, Vila-Verde, sábadu ne’e.
Lee mós:
Igreja Kondena Inan Deskoñesidu Soe Bebé
Presiza Investiga Kle’an Kauza Hosi Inan Soe Bebé
Oho Malu, Soe Bebé no Tolok Malu, Sai Hanesan Vokabuláriu Ida
Xefe Estadu dehan, la’ós justisa de’it mak haree ba kazu hirak hanesan ne’e, maibé inan, aman no sosiedade sira mós tenke sai responsável másimu ba situasaun hirak ne’e.
PR ko’alia kestaun ne’e tanba fulan hirak liu-ba kotuk to’o agora ema deskoñesidu kontinua soe bebé iha fatin hanesan iha Taibessi, Semitériu Santa Cruz ne’ebé sunu mutuk bebé no fatin seluk-tan.
Jornalista: Hortençio Sanchez
Editór: Xisto Freitas
