DILI, 20 agostu 2019 (TATOLI)—Avansadu klube Boavista FC Timor, Rafael Marti, nafatin sai mellór markadór provizóriu iha Primeira Divizaun Liga Futeból Amadora (LFA) époka 2019.
To’o Jornada ‘9, tuir informasaun ne’ebé Tatoli asesu hosi Mídia LFA, ohin, jogadór ho nasionalidade Brazíl ne’e marka ona golu hamutuk 10. Tuir mai, Edit Sávio, jogadór Selesaun Nasionál Timor-Leste hosi klube Boavista FC Timor, ne’ebé marka ona golu 7, hamutuk ho avansadu Assalam FC ho nasionalidade Ghana, Daniel Adade.
Hanesan hotu-hotu hatene ona katak mellór markadór ba Primeira Divizaun sei hetan prémiu osan ho valór $1000 hosi LFA.
Jornalista: Hortençio Sanchez
Editór: Xisto Freitas