iklan

DILI, MUNISÍPIU

Negosiante Obralan Ai-mutin Sei Hamamuk Fatin

Negosiante Obralan Ai-mutin Sei Hamamuk Fatin

Negosiante roupa "obralan" komesa okupa Estrada ninin diresaun Ponte Komoro III, Dili. Dokumentasaun Tatoli/Egas Cristovão

DILI, 26 setembru 2019 (TATOLI) Negosiante roupa uzada (obralan) iha Aimutin, ohin simu ona orientasaun hosi Polísia Nasionál Timor-Leste (PNTL) ho ekipa Jestaun Merkadu Munisípiu Dili, atu hamamuk fatin durante loron tolu hahú 26 to’o 28 setembru 2019.

Notísia Relevante:Outubru, Governu Muda Negosiante Kampung Alor ba Área Golgota

Bendito Amaral nu’udar negosiante hatete aseita ho desizaun ne’e maibé husu atu kria fatin foun ba sira.

“Ami prontu kontribui maibé parte Governu mós tenke kolabora ho Xefe Suku no Aldeia para deside hodi kria fatin seguru ida ba ami hodi ami bele fa’an ba nesesidade loron-loron nian”, hatete Bendito Amaral ba Tatoli Ai-mutin, ohin.

Hatan ba preokupasaun ne’e, Xefe Suku Komoro, Postu Administrativu Don Aleixo, Eurico da Costa de Jesus, katak seidauk simu informasaun husi PNTL no Jestaun Merkadu Munisípiu Dili kona-ba planu ne’e.

Notísia Relevante: Autoridade Munisípiu Dili Sei Muda Hotu Negosiante iha Estrada Protokolu

Maibé autoridade lokál ne’e apoiu desizaun ne’e hodi  husu ba negosiante sira atu submete ba desizaun  hodi hamamuk ona fatin ne’ebá.

“Ha’u hakarak informa ba komunidade ne’ebé mak fa’an iha estrada ninin katak ita hotu tenke obedese ba lei no regulamentu”, katak  Eurico de Jesus da Costa ba Tatoli iha nia kna’ar fatin.

Jornalista: Osório Marques

Editora: Rita Almeida

iklan
iklan

Leave a Reply

iklan
error: Content is protected !!