DILI, 11 outubru 2019 (TATOLI) – Xefe Marketing no Informasaun, Moniz Maia, hateten empreza Ceslink konklui ona dokumentu komprovativu hosi pedidu Autoridade Nasionál Komunikasaun (ANC-sigla portugés) antes atribui lisensa.
“Tanba ne’e ami prepara ona dokumentu balun ne’e tuir ANC nian pedidu ba Ceslink atu kompleta, ami nia parte kompleta ona dokumentu sira hanesan estatutu no dokumentu lisensiamentu negósiu no segunda semana oin ami sei submete hikas dokumentu sira ba fali ANC”, dehan Maia Moniz ba Ajénsia Tatoli iha Bidau, ohin.
Hodi hatutan iha semana oin, Ceslink sei haruka dokumentu ba ANC, hafoin hein desizaun. Parte Ceslink preparadu atu prienxe kritériu hodi kumpre pedidu hosi ANC nian.
Nia fundamenta katak kompañia Ceslink rasik nia rekursu umanu sufisiente ona atu sai operadór ba telekomunikasaun iha Timor-Leste kuandu ANC atribui ona lisensa.
Notísia relevante : Ceslink Presiza Kompleta Tan Dokumentu Balun
Jornalista : Natalino Costa
Editora : Maria Auxiliadora
