DILI, 17 outubru 2019 (TATOLI) – Sekretáriu Estadu Terras no Propriedade (SETP), Mário Ximenes, lamenta ho atitude ho servidór estadu ne’ebé mak konstrui uma luxu iha domíniu públiku estadu hanesan iha Tasi-Tolu.
Notísia Relevante : Aban, SETP Hasai Komunidade iha Tasi Tolu
“Kuandu Estadu presiza rai refere Estadu sobu,” afirma Sekretáriu Estadu Mário Ximenes, ba Ajénsia TATOLI, iha nia knaar fatin, Mandarin, Dili, kuarta (16/10/2019).
Nia hatutan, sira ne’ebé mak halo uma di’ak mak sira ne’ebé mak intelektuál de’it, sira ne’ebé mak kargu aas no komprensaun aas halo uma di’ak la tuir prosedura.
SETP dehan, tuir loloos servidór estadu ho intelektuál sira tenke fó ezemplu tanba kuandu halo uma ida iha rai estadu tenke hatene kritéria ne’ebé mak estabelese ona husi Estadu.
Tuir loloos nia ema ne’ebé mak sivilizadu no matenek ne’ebé mak aas tenke hare uluk estatutu rai Tasi Tolu nian oinsá, segundu mak tenke iha lisensa konstrusaun husi Ministériu Obras Públikas.
Jornalista : Domingos Piedade Freitas
Editór : Francisco Simões
