DILI, 13 novembru 2019 (TATOLI) – Ekipa hosi Japaun ne’ebé lidera hosi Vise-Prezidente ba Sidade Ono, Yuichiro Tanaka, hasoru malu ho Prezidente Komite Olímpiku Nasionál Timor-Leste, Francisco Kalbuadi Lay hodi ko’alia kona-ba olimpiade 2020 ne’ebé sei akontese iha Japaun.
“Tinan oin sei iha olimpiade iha Japaun, hosi ne’ebá hakarak simu atleta hosi Timor-Leste, nune’e maka mai hasoru malu iha ne’e”, Yuichiro Tanaka ba jornalista sira hafoin sorumutu iha Ministériu Turizmu, ohin.
Nune’e mós, Prezidente Komité Olímpiku Nasionál Timor-Leste, Francisco Kalbuadi Lay, agradese ba prezensa hosi ekipa Japaun ne’ebé vizita mai Timor-Leste hodi esplika kona-ba oinsá atu oferese treinamentu ba atleta timoroan sira atu iha preparasaun di’ak hodi bá partisipa olimpiade iha 2020.
“Ho ida ne’e maka ami hasoru malu, maibé antes ne’e mós iha ona kontaktu beibeik, nune’e ita apresia tebes ba sira, tanba sira mai oferese mós treinamentu ba ita-nia atleta sira”, konklui.
Jornalista : Zezito Silva
Editora : Maria Auxiliadora
