EKONOMIA, HEADLINE

Estudu Viabilidade ba Terminál Tolu Aprovadu

Estudu Viabilidade ba Terminál Tolu Aprovadu

Ministru Transporte no Komunikasaun, José Agostinho da Silva. Imagen/ Egas Cristovao

DILI, 15 novembru 2019 (TATOLI) – Ministru Transporte no Komunikasaun (MTK), José Agostinho da Silva, informa Konsellu Administrasaun Fundu Infraestrutura (CAFI, sigla portugés) aprova ona proposta husi ministériu nia ba estudu viabilidade terminál tolu maka Hera, Tibar no Manleuana.

“CAFI rasik liuhosi diskusaun aprova proposta estudu viabilidade ba konstrusaun terminál tolu”, ministru ba Ajénsia Tatoli iha Ministériu Finansa Aitarak-Laran, ohin.

Terminál Becora, espasu labele akumula ona pasajeiru no movimentasaun transporte, tanba afeta engarrafamentu, nune’e sei muda bá Hera, nune’e mós terminál Tibar, hanesan orientasaun Primeiru-Ministru nian, inklui MTK sei konstrui terminál ida iha Manleuana hodi fó atendimentu ba pasajeiru sira iha rai-klaran.

Maske estudu viabilidade aprova ona, maibé orsamentu seidauk hetan aprovasaun hosi CAFI.

“Ohin ne’e aprova dei’t maka proposta ba estudu viabilidade, kona-ba nia orsamentu sei ko’alia fali iha tempu seluk, nune’e ha’u labele halo espekulasaun”, katak.

Notísia relevante : DNTT Sei Harii Terminál Iha Manleuna
Terminál Tasitolu Sei Muda bá Tibar

Jornalista : Natalino Costa 
Editora : Maria Auxiliadora

iklan
iklan

Leave a Reply

iklan
error: Content is protected !!