DILI, 28 novembru 2019 (TATOLI)-Vise-Ministra Kuidadu Saúde Primária, Elia dos Reis Amaral hateten, Orsamentu ba má nutrisaun ba iha kuidadu saúde primária hamutuk dolár millaun 38.
“Ita la’ós foka de’it ba programa maibé ba mós salariu vensimentu no liuliu ba programa oinsá ita enkaixa, entegra, tanba 38 millaun dolares ne’e la’ós de´it ba má nutrisaun,” dehan Vise-Ministra Elia dos Reis Amaral ba media sira bainhira partisipa serimonia komemorasaun 28 novembru ba dala 44, iha Palasiu Governu .ohin.
Maibe, tuir Vise-Ministra Kuidadu Saúde Primária, Elia dos Reis Amaral katak sei ba haree programa imunizasaun, ita mós haree ba moras la hada’et no mós moras sira ne’ebé mak agora sai preokupasaun boot ba ita hotu.
Má nutrisaun la´ós Ministériu Saúde de’it maibé ba multi-sektorál hanesan infraesturura, nesesidade bázika oinsá saúde ba oin ita sei halo para servisu ne’e hamutuk hodi nune’e bele responde ba má nutrisaun ne’e rasik.
“Agora daudaun presentajen sa’e oituan tanba kontrolu másimu husi programa inan isin-rua ne’ebé ita kontrolu husi pre-natál ante-natál too post-natál atu nune’e bele seguransa ba iha bebé ne’e rasik,” dehan governante ne´e.
Jornalista :Felicidade Ximenes
Editór : Rafy Belo
