DILI, 19 dezembru 2019 (TATOLI)-Rekursu umanu parte importante ida hodi reforsa servisu sira iha instituisaun estadu nian, tanba ne’e, Diretór Estabelesimentu Prizaun Bekora, João Domingos, hateten, presiza aumenta tan númeru guarda prizionál iha Prizaun Bekora ba futuru.
Nia dehan, prizaun Bekora oras ne’e, iha guarda prizaun hamutuk 133, maibé la sufisiente atu fó seguransa no akompanamentu ba dadur hamutuk 573 ne’ebé maka kumpre hela kastigu.
“Rekursu ne’ebé tau-matan ba prezu sira hamutuk 134, maibé ida mate, falta 133, maluk nee mate tanba deit fó an ba sira tanba akompaña dadur sira lasura kolen,” katak, João Domingos, durante serimonia festeza natal hamutuk ho dadur sira ne’ebé organiza hosi Ministériu Solidaridade Sosiál no Inkluzaun (MSSI) iha prizaun Bekora kinta (19/12).
Ho rekursu umanu ne’ebé maka laiha balansu, nia reforsa afeita tebes ba funsionamentu instituisaun nian liliu hodi fó atendementu ba prezu sira.
“Fatin nee ema barak tebes, no kna’ar ne’ebé ami halo nee todan,maibé ami la sura kolen, tanba ita, tantu komunidade prizioneiru sira mós kolabora tebes ho guarda sira,”tenik tan.
Jornalista : Domingos Piedade Freitas
Editór:Francisco Simões