DILI, 13 janeiru 2020 (TATOLI) – Defensor Publika (DP), Câncio Xavier, informa, iha loron 27 dezembru 2019 liu ba, Defensoria Publika aprezenta ona servisu defensoria nian ein-jerál inklui mós husi munisípiu haat hanesan Dili, Baucau, Covalima no Rejiaun Administrativu Espesiál Oe-Cusse Ambeno (RAEOA) ba Ministru Justisa.
Notísia Relevante : Defensoria Públika Presiza Tan Veíkulu Operasionál
“Total atendimentu no andamentu prosesu tinan 2019 husi servisu defensoria publika, liuliu iha Munisipál Dili, kazu krime foun ho total 2,047 no sivíl 331, kazu krime ne’ebé arkiva 682 no sivíl 82, kazu krime pendente 0 no sivíl 975, no kazu krime ne’ebé mak julga 4,855 no sivíl 73,” informa Câncio Xavier, ohin, ba Ajénsia TATOLI, iha nia kna’ar fatin, Mascarinhas, Dili.
Câncio esplika, total atendimentu no andamentu prosesu tinan 2019 husi defensoria publika Munisipál Baucau, kazu krime foun ho total 358 no sivíl 74, kazu krime ne’ebé arkiva 213 no sivíl 19, kazu krime pendente 145 no sivíl 55, no kazu krime ne’ebé konsege julga ho total 1,103 no sivíl 115.
Total atendimentu no andamentu prosesu tinan 2019 husi defensoria publika Munisipál Covalima, kazu krime foun ho total 38 no sivíl 50, kazu krime ne’ebé arkiva 108 no sivíl 3, kazu krime pendente 108 no sivíl 3, no kazu krime ne’ebé konsege julga ho total 791 no sivíl 23.
Ikus liu, total atendimentu no andamentu prosesu tinan 2019 husi defensoria publika RAEOA, kazu krime foun ho total 65 no sivíl 120, kazu krime ne’ebé arkiva 107 no sivíl 58, kazu krime pendente 107 no sivíl 58, no kazu krime ne’ebé konsege julga ho total 291 no sivíl 46.
Câncio Xavier tenik, tinan 2020 sei hala’o servisu defensoria publika nian atu bele minimiza kazu pendente sira iha tribunais sira.
Jornalista : Domingos Piedade Freitas
Editór : Francisco Simões
