DILI, 10 marsu 2020 (TATOLI)–Amu Papa Francisco daudaun ne’e deside ona hodi adia ninia vizita ofisiál mai Timor-Leste ba tinan 2021 relasiona ho kazu infesaun coronavirus ne’ebé hahú da’et iha nasaun hotu iha mundu.
Tuir loloos Papa Francisco iha tinan 2020 ne’e hala’o ona vizita mai nasaun ne’e.
Notísia Relevante :Papa Francisco Hakarak Vizita Timór Maibé Seidauk iha Desizaun
Ministru Negósiu Estranjeiru no Kooperasaun (MNEK), Dionísio da Costa Soares Babo, informa desizaun Líder Igreja Katólika iha mundu ne’e hafoin simu karta ofisiál hosi Enkarregadu Negósiu Vatikanu iha Timor-Leste, Monseñor Marco Sprizzi, foin lalais.
Notísia Relevante :Papa Francisco Husu Polítiku Sira Rezolve Konflitu Polítika ho Diálogu
“Monseñor Marco Sprizzi, Enkarregadu Negósiu Vatikanu iha TL, informa liuhosi karta ba nai-ulun Timor-Leste nian katak tanba coronavírus, Amu Papa deside adia nia vizita mai Timor-Leste iha 2021,” dehan Dionísio ba Agência TATOLI, via mídia sosiál, tersa ohin.
Notísia Relevante :Papa Francisco Husu Estadu Timor-Leste Tau Matan ba Ema Ki’ak
“Amu papa deside adia, data ho fulan maka sei komunika filafali,” tenik tan.
Joranlista : Hortencio Sanchez
Editór : Agapito dos Santos
