DILI, 11 maiu 2020 (TATOLI)-Ministru Negósiu Estranjeiru no Kooperasaun Dionísio Babo Soares, segunda (11/05/2020), seidauk bele fó komentariu kona-ba desizaun Partidu Congresso Nacional de Reconstrução de Timor (CNRT), ne’ebé deklara ofisialmente retira ona husi estrutura governu konstitusionál daulau ne’ebé lidera husi Primeiru-Ministru, Taur Matan Ruak.
Kona-ba kargu ne’ebé maka daudaun ne’e nia asume, Governante ne’e seidauk bele deklara ba públiku kona-ba ninia posizaun atu rezigna-an ka mantein hodi servisu to’o mandatu Governu nian remata.
Notísia Relevante:CNRT Deklara Retira Hosi VIII Governu
“Oh, di’ak no comment,” katak MNEK Dionísio Babo Soares ba Jornalista TATOLI, via Facebook, ohin.
Partidu CNRT deklara retira hosi VIII Governu konstitusionál no kuadru partidu ne’ebé involve iha governu atuál atu rezigna-an.
Notísia Relevante:Nélio Isaac Seidauk Retira Kuandu Seidauk Simu Karta
Entretantu, Dionísio Babo hetan fiar hosi CNRT iha tinan 2018 hodi asume pasta MNEK, iha ne’ebé CNRT koliga hamutuk ho Partidu Libertasaun Populár (PLP) no Kmanek Haburas Unidade Nasionál Timoroan (KHUNTO) no simu posse hanesan Ministru iha 22 Juñu 2018 liu-ba.
Jornalista : Hortencio Sanchez
Editór : Agapito dos Santos
