Profesór Portugés Sira Sei Fila Mai TL Bainhira Vou Internasionál Normál
DILI, 08 juñu 2020 (TATOLI)–Embaxadór Portugál iha Timor-Leste, José Pedro Machado Vieira, informa profesór Portugés sira sei fila mai Timor-Leste (TL) atu hala’o hikas sira-nia servisu bainhira vou internasionál normal fali.
Embaixadór José Pedro Machado Vieira hata’o lia hirak ne’e hafoin enkontru ho Prezidente Repúblika Francisco Guterres Lú Olo, iha Palásiu Prezidente Nicolau Lobato, Bairrupité, Dili.
Diplomata ne’e ko’alia ba mídia hodi responde pergunta kona-ba data profesór portugués sira ne’ebé fila temporariamente ba Portugál tanba surtu COVID-19 atu fila mai Timor-Leste.
“Profesór sira-ne’e sei fila mai Timor-Leste atu hala’o sira-nia knaar, bainhira kondisaun permite ka bainhira vou internasionál sira normaliza fila fali,” nia hateten.
Antes ne’e, profesór portugés sira fila hikas ba Portugál iha loron 04 fulan abríl 2020 ho aviaun EuroAtlantic tanba surtu COVID-19.
Notísia Relevante: Embaxadór Portugál Agradese Prezidente Repúblika
Jornalista : Cipriano Colo
Editór : Cancio Ximenes
