MANATUTO, 09 juñu 2020 (TATOLI) – Família uma-kain 13.938 iha Munisípiu Manatuto, benefisiáriu ba subsídiu $200 ba fulan-rua nian ( 27 marsu-maiu 2020) husi Governu.
“Tuir oráriu pagamentu, ohin, hahú hala’o iha postu administrativu rua hanesan Manatuto Vila ho Laclubar ne’ebé la’o tuir kada aldeia,” informa Administradór Munisípiu Manatuto, Fernando Junior Sousa, ba Agência Tatoli, ohin, iha Manatuto.
Benefisiáriu husi uma-kain 13.938 ne’e mai husi postu administrativu-neen (6) ne’ebé pertense ba Munisípiu Manatuto, hanesan Natarbora, Laclo, Laleia, Manatuto Vila, Soibada ho Laclubar.
“Governu aloka orsamentu hamutuk millaun $2,8 hodi halo pagamentu ba benefisiáriu uma-kain 13.938,” informa Fernando Junior Sousa.
Nia apela ba komunidade hotu atu kolabora ho Governu no Banco Comercio Nacional Timor-Leste (BNCTL) hodi bele aselera pagamentu ho susesu.
Jornalista : Nelson de Sousa
Editór : Francisco Simões
