DILI,01 jullu 2020 (TATOLI)-Vise Ministru Edukasaun Juventude no Desportu, António Guterres, hateten iha ona planu atu reforsa formasaun no kapasitasaun ba profesór sira nune’e bele hasa’e abilidade tuir méritu idaidak nian.
“Ha’u sei koidadu, enkoraza no fó atensaun hodi mellora liután prestasaun servisu ba ita-nia profesór sira hodi dezenvolve edukasaun ida di’ak ba estudante sira iha futuru,” dehan nia ba Jornalista Sira iha ninia servisu fatin Vila Verde Dili, tersa ne’e.
Tuir nia profesór iha kna’ar importante atu eduka no forma estudante sira ho kualidade tanba ne’e, presiza hetan kapasitasaun adekuadu hodi dezenvolve área edukasaun iha Timor-Leste.
Aleinde kapasitasaun ba profesór sira presiza atu kompleta mós fasilidades hanesan kuríkulu no matéria hanorin no seluk tan hodi suporta prosesu aprendizajen iha eskola públiku hotu iha territóriu Timor-Leste.
Jornalista : Tomé Amado
Editór : Agapito dos Santos
