DILI,03 jullu 2020 (TATOLI)-Xefe Sentru Saúde Comoro, Milena do Rego, hateten moras infesaun vias respiratóriu no moras kulit rejista maka’as iha Sentru Saúde Comoro durante fulan-janeiru to’o maiu 2020.
Pasiente ISPA hamutuk 4.134, diarea 443 no moras kulit 998.
Notísia Relevante:Maiu, Sentru Saúde Formoza Rejista Pasiente ISPA 969
SSC iha medikamentu no fasilidade sufisiente hodi halo atendimentu ba pasiente sira bainhira halo tratamentu Saúde.
“ISPA ne’e iha oioin ida ne’ebé mak presiza antibiotika ita fó ai-amoruk antibiotika no ida ne’ebé mak mai la presiza antibiotika ita fó ai-moruk amoxilin se mai ho isin manas ruma ita fó paracetamol,” informa Médika Jerál ne’e, iha ninia servisu fatin sesta ne’e.
Kauza ba hamosu moras kulit ne’e tanba falta bee moos hodi afeta ba Saúde komunidade nian.
Notísia Relevante:Moras ISPA Domina iha Sentru Saúde Becora
Nia dehan Sentru Saúde Comoro sempre halo promosaun saúde ba komunidade hodi halo prevensaun ba moras oin tolu ne’e.
”Entaun sira mai halo tratamentu mak ami hato’o promosaun ba sira mak haris loron ida dala tolu, uza sabaun atu nune’e labele isin katar depois fó hanoin ba sira ho ijiéne pesoál para prevene ba moras katar no mós ba moras sira seluk,”nia hateten.
Jornalista : Felicidade Ximenes
Editór : Agapito dos Santos
