DILI, 19 agostu 2020 (TATOLI)-Prezidente Repúblika (PR), Francisco Guterres ‘Lú Olo’, hateten sei la fó indultu ba prizioneiru sira iha selebrasaun loron Frente Armada Libertasaun Timor-Leste (FALINTIL) iha loron 20 agostu tinan ne’e.
“Loron 20 agostu laiha indultu, iha 30 agostu liubá no 28 novembru sei iha,” hateten hateten PR Lú Olo hafoin partisipa misa ba selebrasaun Loron FALINTIL ba dala-45 iha Igreja Motael, kuarta ne’e.
Xefe Estadu afirma, nia parte sei fó tán indultu maibé la’ós agora, karik ba selebrasaun loron nasionál seluk.
“Indultu sei iha tán, ami sei haree hela prosesu ne’e,” nia subliña.
Notísia Relevante: MJ haruka lista dadur na’in-180-resin ba PR atu hetan indultu
JSMP husu PR labele fó indultu ba prizioneiru krime grave
Entretantu, Prezidente Repúblika ezerse ninia kompeténsia hodi fó indultu ba prizioneiru sira bazeia ba artigu 85 Konstituisaun Repúblika Demokrátika Timor-Leste (RDTL) no kódigu penál, inklui haree mós ba Lei númeru 5/2016, ne’ebé publika iha 25 maiu.
Antes ne’e, Ministériu Justisa haruka ona lista naran dadur hamutuk na’in-180 resin ba Xefe Estadu hodi bele hetan indultu iha selebrasaun loron nasionál tinan ne’e.
Jornalista: Antónia Gusmão
Editora: Julia Chatarina
