DILI, 19 agostu 2020 (TATOLI)-Prezidente Repúblika (PR), Francisco Guterres ‘Lú Olo’ defende katak presiza harii uma ba veterenu sira tanba rekoñese katak to’o agora veteranu seidauk hetan fatin dignu ba hela fatin.
“Loos duni katak sira (veteranu) ne’ebé sei moris, sira-nia uma seidauk iha duni no tenke dignifika ba veteranu sira,” hateten PR Lú Olo, hafoin partisipa misa ba komemorasaun Loron FALINTIL ba dala-45 iha Igreja Motael, kuarta ne’e.
Xefe Estadu konsidera, atu dignifika veteranu sira presiza iha polítika ida kona-ba oinsá harii uma ba veteranu sira, ba sira-nia restu vida.
Tuir dadus hosi Konsellu Veteranu, iha rejistu dahuluk iha veteranu besik 75.000 no rejistu daruak iha 124.600-resin iha territóriu tomak
Jornalista: Antónia Gusmão
Editora: Julia Chatarina
