DILI, 04 setembru 2020 (TATOLI)-Estudante finalista Fakuldade Siénsia Sosiál Universidade Nasionál Timor Lorosa’e (UNTL) na’in 118, sesta ne’e halo ona judisium antes tama iha faze graduasaun iha tinan 2020.
Finalista hirak ne’e estuda iha Departementu Administrasaun Públika, Departementu Siénsia Polítika, Departementu Komunikasaun Sosiál, Departementu Dezenvolvimentu Komunitária, Departementu Relasaun Internasionál no Departementu Polítika Públika.
Notísia Relevante :Aban, Finalista Medisina UNTL halo Judisium
Dekanu Fakuldade Siénsia Sosiál, Camilo Ximenes, hateten estudante na’in 118 ne’ebé simu ona judisium konsidera preparadu atu hakat ba graduasaun.
“Sira ne’ebé ohin simu Judisium ne’e ita tais ona no sira ne’e merese ona atu partisipa iha serimonia ne’e,” tenik nia ba jornalista sira iha salaun Ian Martin Matadouro Dili.
Nia enkoraza finalista sira atu kontinua kapasita aan hodi kria rasik kampu servisu no mós bele kompete iha merkadu traballu.
Entretantu, estudante finalista na’in 118 ne’e sei simu graduasaun iha loron 25 fulan-setembru 2020.
Notísia Relevante :Judisium FEAU, Dekana: “La Iha Dalan Seluk Hetan Susesu Sem Dezafiu”
Jornalista : Tomé Amado
Editór : Agapito dos Santos
