iklan

NASIONÁL, HEADLINE

Levantamentu produtu hosi servisu klandestina

Levantamentu produtu hosi servisu klandestina

DILI, 08 setembru 2002 (TATOLI)–Diretór Ezekutivu Centro Nacional Chega (CNC), Hugo Maria Fernandes, hateten levantamentu sira-ne’e nu’udar produtu ida hosi servisu klandestina nian maibé servisu klandestina mak la kontribui maka levantamentu hirak ne’e la akontese.

Notísia Relevante: Masakre Kraras fanu ema hateke ba futuru

“Levantamentu sira-ne’e nu’udar produtu ida hosi servisu klandestina nian, tanba karik klandestina mak la la’o mak ohin loron levantamentu labele akontese,” dehan Diretór Ezekutivu CNC, Hugo Maria Fernandes iha ámbitu semináriu nasionál ‘Kememorasaun Levantamentu no Masakre Kraras 1983’ ne’ebé CNC hamutuk Asosiasaun Levantamentu Armada no Masakre Kraras 1983 (ALARMA’83) no Klibur Intelektual Bibileo (KIBI) ne’ebé realiza ihaiha salaun Konfereénsia CNC, Antigu Komarka, Balide, Dili, tersa ne’e.

Hugo Fernandes hateten, lsemináriu ne’e a’ós selebra de’it vitória ba levantamentu sira maibé mós fó onra no diginifika sira-nia esforsu no partisipasaun durante iha luta ba libertasaun nasionál.

“Ita ohin la’ós de’it selebra vitória levantamentu nian para depois ema iha liur hatete katak ita-nia reziténsia sei eziste maibé ita mós fó onra, dignifika no fó rekonesementu ba partisipasaun ema nian iha luta ba libertasaun nasional ne’e. Tanba ne’e mak CNC hakarak simu ksolok hosi ita-boot sira hotu iha ne’e,” nia hateten.

Tanba ne’e, nia dehan, CNC sente onradu koopera ho Klibur Intelektuál Bibileo (KIBI) oan sira, komisaun organizadora levatamentu Kraras no masakre Kraras no mós levantamentu hosi Dare Mauchiga Ainaro nian, Rotutu, Marabia inklui ho Mehara hodi bele halo semináriu ida-ne’e.

Tanba semináriu ida-ne’e, nia dehan, iha intensaun boot hakarak hatutan memória ba jerasaun foun sira liuliu mós karik jerasaun tuan sira atu labele haree levantamentu hirak ne’e nu’udar levantamentu lokalizadu ida maibé levantamentu hirak ne’e maske iha fatin ketak-ketak maibé ne’e nu’udar estratéjia re-oragnizasaun rezisténsia boot ida.

Jornalista: Osória Marques

Editór: Cancio Ximenes

 

iklan
iklan

Leave a Reply

iklan
error: Content is protected !!