DILI, 11 setembru 2020 (TATOLI)-Prokudór Jerál Repúblika (PGR) daudaun ne’e, iha rekursu ba majistradu Prokudór hamutuk ema na’in-37.
Notísia Relevante : PGR prefere halo atualizasaun ba lei droga
Prokuradór Jerál Repúblika, José Ximenes hateten, rekursu ne’ebé iha hodi destaka ba Prokuradoria Repúblika iha distritál haat hanesan Dili, Baucau, Suai no Oe-cusse
PGR mós iha ofisial justisa 96 hodi apoiu servisu sira hanesan ba dilijénsia ho sira seluk tan.
“Rekursu ne’ebé ita iha kbiit ajusta ho forsa Estadu nian, tanba ne’e Estadu tenke investe maka’as ba Prokudór la’ós PGR mak rekruta, maibé sentru formasaun jurídika mak rekruta,” hateten PGR José Ximenes, ohin, ba jornalista iha Komandu Jerál PNTL, Caicoli, Dili.
Nia hateten, rekursu umanu la’ós intermus kuantidade de’it maibé oinsá mak utiliza rekursu natoon hodi hala’o másimu ho didi’ak.
José Ximenes, hein katak ho planu prioridade Governu nian liuhusi Ministériu Justisa (MJ) através Sentru Formasaun Jurídika iha tinan 2020 prevee ona iha orsamentu hodi loke bolsu estudu vaga ba timoroan hamutuk ema na’in-45 ne’ebé lisensiadu iha area direitu hodi bele tuir kursu sai kandidatu ba juis na’in-15, defensór na’in -15 no Prokudór na’in-15,bele aumenta liután rekursu iha PGR rasik.
Jornalista : Nelson de Sousa
Editór : Francisco da Costa
