DILI, 06 Jullu 2026 (TATOLI)—Atakante Noruega, Erling Braut Haaland, sai eroi hodi lori nia nasaun hakat ba kuatu final hafoin dudu-sees Brazil fila ba uma ho golu 2-1 iha jogu Kopa Mundiál 2026 jornada 16, Segunda (05 Jullu 2026) dadeer oras Timor-Leste.
Jogu ba nasaun rua hala’o iha Estádiu New York New Jersey, East Rutherford, Estadu Unidu Amérika (EUA).
Bainhira jogu hahú, Noruega koko atu foti inisiativa no marka golu iha minutu dahaat maibé nia pozisaun offside.
Iha minutu 12, Brazíl lidera hafoin hetan penalidade hafoin Matheus Cunha hetan falta iha área penalidade husi Kristoffer Ajer. Maski nune’e, Bruno Guimaraes mak sai markadór penaidade maibé guarda-rede Orjan Nykand. Abku sai bola ho fasil.
Brazíl halo kedas presaun fila-fali hafoin lakon penalidade, hodi kria oportunidade ida bainhira Rayan nia suta maka’as iha minutu 16 maibé bola semo dook hosi poste besik baliza noruega nian.
Iha minutu 37, Erling Haaland nia kabesa husi kruzamentu Antonio Nusa nafatin la konsege penetra iha baliza brazileiru, bola salva husi guarda-rede Alisson.
Brazíl iha oportunidade iha minutu 40 liuhusi Vinicius Junior hafoin hadau tiha bola husi jogadór Odegaard, maibé nia suta baixu hetan blokeiu hosi Nyland nia ain iha área besik baliza.
Noruega fó fila-fali presaun iha minutu 45+4, maibé suta Odegaard nian salva husi Alisson. Metade restu husi primeira parte sai hanesan asuntu ida ne’ebé mak akontese beibeik, maibé laiha ekipa ida mak marka golu. Rezultadu mantein 0-0.
Tama ba segunda parte Noruega hamoris hikas sira-nia atake neineik no ho pasiénsia, hodi koko atu domina jogu noBrazil joga ho defensive.
Maibé, Brazil mak hetan oportunidade dahuluk iha segunda parte. Iha minutu 58, Endryk hetan oportunidade osan-mean ida hafoin hetan pasajen furak husi Vinicius, maibé nia suta bola semo sai dook husi baliza Noruega nian.
Noruega nia golu hetan fali ameasa iha minutu 62, maibé Nyland hala’o brillante entre jogu sira. Rayan nia suta kantu hetan blokeiu husi Nyland ho nia ain. Iha minutu 68, Brazíl tenta atu aumenta sira-nia atake hodi hatama Neymar.
Oportunidade ida mosu iha minutu 74 bainhira guarda-rede brazileiru Alisson halo parajen ba Andreas Schjelderup nia suta ho ain-loos, ne’ebé mak halo de’it ba kantu ida.
Adeptu Noruega nian haksolok iha minutu 79 bainhira Haaland nia kabesa tama liu ba rede Brazil nian. Schjelderup nia kruzamentu hasoru ho kabesa maka’as ne’ebé Haaland la konsege hapara. Brazil lakon golu ida husi Noruega ho 0-1.
Nyland iha duni oin, hodi defende Carlo Ancelotti nia ekipa, maibé la bele salva.
Iha minutu 86, Noruega besik atu sofre golu ida, maibé Nyland salva ho salvasaun brillante ida bainhira bola ne’e monu hosi nia defeza rasik.
Noruega aumenta sira-nia vantajen ba 2-0 iha minutu 90 hafoin Haaland nia suta ho ain-karuk, hafoin asisténsia hosi Schjelderup, hetan kantu parte kraik karuk rede brazileiru nian bola badiu tama liu ba laran. Rezultadu muda kedan ba 2-0.
Iha minutu ikus, Noruega hatudu jogu ne’ebé dixiplinadu, hodi duni sai Brazil nia atake sira. Entretantu, Casemiro ho nia kolega sira haree hanesan frustradu iha sira-nia tentativa atu kria oportunidade sira.
Maibé, Brazil hetan penalidade iha minutu 90+7 hafoin Ostigard halo falta ba Casemiro iha área penalidade nian. Neymar, jogadór penalidade ne’ebé dezignadu, konverte ho susesu penalidade hodi hamenus défisit ba 1-2.
Hafoin penalidade Neymar nian, laiha tan oportunidade. Ho jogu ne’ebé remata ho 1-2, Brazil sai eliminadu hosi Kopa Mundiál 2026 hafoin lakon hosi Noruega.
Brazil:
Alisson (guarda-rede); Douglas Santos, Gabriel, Marquinhos, Danilo; Martinelli, Casemiro, Guimaraes; Rayan, Vinicius Junior, Cunha.
Noruega:
Nyland (guarda-rede); Möller-Wolfe, Heggem, Ajer, Ryerson; Berg, Berge, Odegaard; Nusa, Haaland, Sorloth.
Jornalista : Hortêncio Sanchez
Editór : Cancio Ximenes
