Komisaun G PN husu MEJD hadi’a proposta OJE 2020
DILI, 24 setembru 2020 (TATOLI)-Komisaun G Parlamentu Nasionál, hafoin halo audénsia ho Ministériu Edukasaun Juventude no Desportu (MEJD), atu halo ajustamentu ba proposta orsamentu jerál estadu 2020 nian tanba la refleta kondisaun riil.
“Ha’u husu sira atu lori ba hadi’a filafali proposta orsamentu sira ne’e molok lori hikas mai plenaria, tanba orsamentu sira ne’e la refleta situasaun no kondisaun eskola sira iha territóriu Timor-Leste,” nia dehan ba jornalista sira iha PN.
Notísia Relevante :MEJD prevee millaun $ 68-resin ba OJE 2020
Durante audénsia ne’e komisaun sujere atu MEJD tau orsamentu barak liu ba problema infraestrutura bázika, hanesan hadi’a sala eskola, harii uma ba profesór, ekipamentu aprendizajen no seluk tan.
“MEJD refleta didiak planu no programa prioridade sira ne’e hodi bele konvense deputadu sira iha tempu plenaria,” nia hateten.
Proposta OJE 2020 ba MEJD iha tinan ne’e hamutuk $ 68.332,420.
Husi totál tetu fiskál ne’e fahe ba kategoria salariu Vensimentu $59,341,349, bens no servisu $7.611,967, Kapitál Menór $283,500 no Transferénsia Públika $1.095,604.
Jornalista : Tomé Amado
Editór : Agapito dos Santos
