DILI, 25 setembru 2020 (TATOLI)-Estudante finalista husi Universidade Nasionál Timor Lorosa’e (UNTL), hamutuk ema na’in 568 halo ona preparasaun ba serimonia graduasaun ne’ebé sei hala’o iha loron 28 fulan-setembru 2020.
Diretór Jerál Administrasaun Akadémika, Armindo Leto Fátima, hateten ba Tatoli via telefone katak finalista hirak ne’e kompostu husi Fakuldade Agrikultura ema na’in 116, Fakuldade Enjinária Siénsia no Teknolojia 61, Fakuldade Diretu 17, Fakuldade Arte no Humaniora 153, Fakuldade Siénsia Sosiál 119 no pos graduasaun ema na’in 37.
Notísia Relevante :Estudante Fakuldade Agrikultura UNTL na’in 115 halo judisium
“Programa solene ba graduasaun sei realiza iha loron segunda (28/09), maibé antes ne’e sei iha mós selebrasaun misa eucaristia iha Igreja Katedrál loron sesta (25/09) depois sábado sei hala’o insaiu no segunda tama ba graduasaun,” nia hateten.
Serimonia graduasaun ne’e sei fahe ba parte dader no lokraik, iha dader nian sei fó graduasaun ba estudante na’in 259 no lokraik finalista 309.
Notísia Relevante :Finalista UNTL 118 tuir judisium
Jornalista : Tomé Amado
Editór : Agapito dos Santos
