iklan

INTERNASIONÁL, HEADLINE

Simeira CPLP adia ba 2021

Simeira CPLP adia ba 2021

Estadu membru CPLP sira

DILI 01 outobru 2020 (TATOLI)-Simeira CPLP (Comunidade dos Países da Língua Portuguesa), tinan 2020 tenki adia ba tinan oin tanba pandemia globál COVID-19.

Diretor Interinu CPLP, husi Ministériu Negósiu Estranjeiru no Kooperasaun, Avelino Pereira, hateten tuir orariu simeira CPLP tinan ne’e, hala’o ona iha fulan-jullu iha nasaun Angola, maibé tanba COVID-19 adia ba loron 1 to’o 2 fulan-setembru no la konsege hodi kontinua adia tan ba 2021.

Notísia Relevante:Konsellu Ministru CPLP koalia kona-ba COVID-19

Nasaun membru sira foti desizaun ne’e liuhosi reuniaun Konsellu-Ministru CPLP via telekonferénsia foinlalais ne’e.

“Simeira CPLP nian loloos atu halo jullu tinan ida ne’e monu iha Angola tuir kalendáriu ne’ebé iha loron simera ne’e tenke monu iha jullu tanba loron ne’e mak loron kriasaun ba CPLP, maibé haree ba pandemia ne’ebé akontese simera ne’e labele hala’o no mantein nafatin ho Cabo Verde, entaun tinan oin mak Cabo Verde entrega fali ba Angola tuir saida mak ko’alia ona iha virtual meeting Konsellu Ministru CPLP nian,” dehan nia ba Tatoli, kinta ne’e iha Praia dos Coqeiros Dili.

Iha diskusaun ne’e, KM CPLP diskute mós kona-ba aprezentasaun kandidatura ba iha kargu sekretariu ezekutivu CPLP, tanba ne’e husi parte Timor-Leste nian, Governu mak aprezenta ona kandidatura úniku mak eis Ministru Negósiu Estranjeiru no Kooperasaun (MNEK), Zacarias Albano da Costa.

Nasaun membru sira sei halo apresiasaun ba kandidatura hirak ne’e iha Konsellu Ministru iha fulan-dezembru mai.

“Iha virtual meeting ne’e ko’alia mós kona-ba Sekretáriu Ezekutivu CPLP atu monu iha Timor- Leste, entaun ita haruka  ona kandidatura ne’ebé atu asume kargu ne’e bá ona Sekretariadu CPLP nian, hein Konsellu Ministru iha dezembru Ministeriu Negosiu Estranjeiru, relasaun exteriór  sira CPLP nian hamutuk halo apresiasaun no aprovasaun iha simeira Xefe Estadu, Xefe Governu ne’ebé sei hala’o iha fulan-Jullu iha Luanda (Angola),” katak nia.

Notísia Relevante:Governu Propoin Zacarias Albano ba Sekretáriu Ezekutivu CPLP

Jornalista:Hortencio Sanchez

Editór : Agapito dos Santos

iklan
iklan

Leave a Reply

iklan
error: Content is protected !!