DILI, 14 outubru 2020 (TATOLI)-Vise Reitór I Asuntu Akadémika Universidade Dili (UNDIL) Francisco Martins da Silva, informa parte retoriál to’o oras ne’e, seidauk submete pedidu graduasaun estudante finalista ba Ministériu Ensinu Superiór Siénsia no Kultura (MESSK) iha tinan letivu 2020.
“Tinan ida ne’e ita planea graduasaun ne’e iha fin dezembru, maibé husi inskrisaun ne’ebé realiza ne’e provizóriumente foin hetan de’it estudante finalista purvolta 250,” nia informa ba Tatoli iha Kampus UNDIL, kuarta ne’e.
Notísia relevante :UNDIL Sei Gradua Estudante Finalista Na´in 603
Tuir nia UNDIL sei submete pedidu graduasaun ba MESSK hafoin prosesu inskrisaun ba estudante finalista sira ramata iha fulan-outubru 2020.
Universidade Dili iha Fakuldade Ekonomia, Departamentu Jestaun no Kontabilidade, Fakuldade Diretu, Departamentu Siénsia Diretu, Fakuldade Siénsia Polítika, Departamentu Relasaun Internasionál, Fakuldade Siénsia Saúde, Departamentu Saúde Públika, Enfarmajen Dentária, Enfarmajen Jerál, Fakuldade Siénsia Edukasaun, Departamentu Língua Inglés, Portugés, Fakuldade Enjenária, Departamentu Téknika Indústria, Petróliu no Informátika.
Notísia relevante :UNDIL Garante Kursu Haat Sei Akredita
Jornalista : Tomé Amado
Editór:Agapito dos Santos
