iklan

JUSTISA, LEI

Tribunál husu Dioseze Dili rekolla dokumentu relatóriu KJP iha públiku

Tribunál husu Dioseze Dili rekolla dokumentu relatóriu KJP iha públiku

Kay Rala Xanana Gusmão, sai sasin iha TDD, sesta (30/10/2020). Imajen Tatoli/António Gonçalves

DILI, 06 novembru 2020 (TATOLI)-Tribunál Distritál Dili (TDD), sesta (06/11), husu ba Komisaun Justisa no Paz (KJP) Dioseze Dili nian atu rekolla dokumentu relatóriu KJP nian ne’ebé distribui ba públiku no sai kontroversiál iha rede sosiál Facebook.

Notísia Relevante : Xanana, sasin iha Tribunál ba relatóriu KJP Dioseze Dili

Kazu siví; “peovidémsia kautela” ne’e rejistu ho númeru NUC 0278/20 CV/TDD ne’ebé aprezenta hosi JU,S (Juridico-Social Consultoria) ba Ministériu Públiku iha loron 29 setembru 2020.

Tuir despaxu Tribunál nian ne’ebé ohin Agência Tatoli asesu hosi JU,S (Juridico-Social Consultoria), katak, Tribunál Distritál Dili hola desizaun kona-ba pedidu providénsia kautelar hosi JU,S relasiona ho elaborasaun no distribuisaun relatóriu KJP Diozese Dili nian, hanesan departamentu ida iha  Arquidiocese Metropolitana de Dili.

Kazu refere, tuir liafuan hosi Tribunál katak JU,S nu’udar rekerente mai alega katak distribuisaun/divulgasaun hosi relatóriu refere sei tau risku direitu naran di’ak rekerente nian tuir prevee iha artigu 67, n. 1 kódigu Sivíl”(p. 7 desizaun TDD).

“Tribunál konsidera katak Arquidiocese la halo divulgasaun ba públiku iha jerál, maibé sai faktu provadu katak “iha duni distribuisaun relatóriu, ne’ebé to’o iha koñesimentu hosi ema sira seluk [terseira pessoa]” (p. 7),” haktuir nota  JU,S nian

Tribunál nia desizaun konsidera katak “iha duni risku justifikadu katak violasaun ba naran di’ak rekerente nian sei kontinua se karik la foti asaun atu hapara distribuisaun relatóriu”, no “violasaun ba [naran di’ak JU,S nian], sei la ho dúvida reprezenta violasaun grave, ne’ebé sei labele kura” (p.7).

Medida ne’ebé JU,S husu atu rekolla relatóriu sai, iha opiniaun hosi Tribunál, “nu’udar medida úniku ne’ebé adekuadu atu evita violasaun” (p.7).

Tribunál fó orden ba Arquidiocese Metropolitana Dili atu rekolla relatóriu ne’ebé distribui tiha ona no atu la halo divulgasaun adisionál, liuhosi meiu saida de’it, ba relatóriu Komisaun Justisa no Paz nian.

JU,S agradese ba Arquidiocese Metropolitana de Dili ne’ebé ho laran luak koopera ho di’ak ho prosesu Providénsia kautela, no katak mezmu durante audiénsia Arquidiocese kompromete ona hodi la distribui relatóriu Komisaun Justisa no  Paz.

Notísia Relevante : Amu Maubere ho Xanana no sarani sira reza ba Juiz sira iha TDD

Jornalista: Nelson de Sousa

Editór: Francisco Simões

iklan
iklan

Leave a Reply

iklan
error: Content is protected !!