DILI, 10 dezembru 2020 (TATOLI)—Deputadu sira iha Parlamentu Nasionál aprova ona proposta Orsamentu Jerál Estadu 2021 ho valór $111,478.459 ba Ministériu Edukasaun Juventude no Desportu (MEJD) hodi ezekuta iha tinan oin.
Verba orsamentu ne’e konsidera boot kompara ho tinan 2020, Parlamentu Nasionál (PN) aprova OJE ba MEJD inklui Sekretáriu Estadu Juventude no Desportu ho montante millaun $70.402.
Notísia Relevante :Parlamentu Nasionál aprova ona tetu fiskál 2020 ba MEJD
Ohin, deputadu sira vota ho votu a-favór 44 kontra no abstensaun 0.
OJE 2021 nian tuir planu sei ezekuta ba saláriu vesimentu purvolta $61,629,121 bens no servisu $16,650,131, kapitál menór $2,995,700, kapitál dezenvolvimentu $7,015,951 no transferénsia públika $23,188,556.
MInistru Edukasaun Juventude no Desportu, Armindo Maia, dehan ho orsamentu ne’ebé maka aprova ona sei implementa programa prioridade lima mak boa-Governansaun, Jestaun Institusionál, prioridade ba edukasaun pre-eskolár, ensinu báziku, ensinu rekorente inklui sekundária.
Entretantu, iha tinan 2020 PN aprova proposta Orsamentu Jerál Estadu (OJE) aprova OJE 2020 ba Ministériu Edukasaun Juventude no Desportu (MEJD) inklui Sekretáriu Estadu Juventude no Desportu ho valór $70.402.
Husi verba ne’e koloka ba kategoria saláriu vensimentu millaun $59.935, bens (sasán) no servisu millaun $7.901, transferénsia públika $1.857, kapitál minór $1.857, inklui kapitál dezenvolvimentu rihun $ 400.
Notísia Relevante :OJE 2021, MEJD fó prioridade ba infraestrutura bázika
Jornalista : Tomé Amado
Editór :Agapito dos Santos
