DILI, 05 janeiru 2021 (TATOLI)-Ministériu Públiku (MP), segunda (01/04), submete ona proposta lei krime sibernétika (cyber crime) ba Governu liuhosi Ministériu Justisa hodi bele aprezenta ba Konsellu Ministru atu diskute.
Notísia Relevante : CAC Prefere Kria Lei Krime Sibernétika La’ós Kriminaliza Difamasaun
“Ami haruka tiha ona ba Governu anti projetu lei cyber crime ninian ba Governu liuhosi Ministériu Justisa,” Prokuradór Jerál Repúblika (PJR), José Ximenes, informa, ohin, ba jornalista sira iha Palásiu Prezidensiál, Dili.
MP sei fó koñesimentu proposta lei ne’e ba iha komisaun A Parlamentu Nasionál hodi bele haree hodi halo konsultasaun hodi aselera liután.
Jose Ximenes, la esplika detallu kona-ba proposta lei ne’e ho nia artikulasaun iha artigu hira, maibé konteúdu jerál hosi lei ne’e atu regula sidadaun sira utiliza mídia sosiál ho loloos no labele halo difamasaun ba malu.
Jornalista : Nelson de Sousa
Editór : Francisco Simões
