DILI, 18 janeiru 2021 (TATOLI)- Sekretáriu Jerál Partidu Frente Revolusionáriu Timor-Leste Independente (FRETILIN), Mari Alkatiri, afirma atu halo remodelasaun ba estrutura oitavu Governu ne’e kompeténsia iha Primeiru-Ministru (PM), Taur Matan Ruak nian.
Notísia Relevante : PM Taur: “Ha’u seidauk hanoin halo remodelasaun”
“Remodelasaun ne’e Primeiru-Ministru nia funsaun, maibé se Primeiru-Ministru husu mai ha’u tanba ha’u hanesan koordenadór ba plataforma entendimentu ne’e ha’u hatán,” Mari Alkatiri hateten hodi responde jornalista, ohin, iha edifísiu Prokuradoria Jerál Repúblika (PJR), Colmera, Dili.
Nia dehan, agora labele antesipa fó hanoin uluk kona-ba nesesáriu ka la’e halo remodelasaun para fó fali presaun ba Primeiru-Ministru.
Jornalista : Nelson de Sousa
Editór : Francisco Simões
