DILI, 02 fevereiru 2021 (TATOLI)–Prezidente Autoridade Portuáriu Timor-Leste (APORTIL), Flávio Cardoso Neves, informa iha tinan 2020 autoridade konsege rekolla reseita hamutuk millaun $2,5.
“Reseita sira mai husi Ró Berlin Nakroman, demurrage, taxa ró sira ne’ebé atraka iha tasi no seluk tan,” Prezidente APORTIL dehan ba Agência TATOLI iha Portu Dili, tersa ne’e.
Reseita ne’e tuun kompara ho tinan 2019, ne’ebé konsege rekolla millaun $3,8 tanba situasaun COVID-19.
“Ita hatene maski iha situasaun atuál maibé APORTIL kontinua rekolla reseita, ne’ebé laiha problema kona-ba reseita,” nia akresenta.
Antes ne’e, APORTIL planeia atu halo alterasaun ba dekretu-lei númeru 19/2003 atu diversifika reseita portuáriu tanba iha reseita barak mak seidauk konsege kobre.
Jornalista: Natalino Costa
Editora: Julia Chatarina
