Aldeia Tabulasi-Hlalameta iha Seloi Craik seidauk asesu Eletrisidade
AILEU, 16 fevereiru 2021 (TATOLI)—Xefe Suku Seloi Craic, Postu Administrativu Aileu Vila, Munisípiu Aileu, Gabriel Mendonça, hateten durante Timor-Leste hetan independénsia no restaura ninia independénsia iha 20 maiu 2020 to’o agora ne’e, komunidade sira iha Aldeia Tabulasi no Hlalameta, Suku Seloi Craik nian seidauk asesu ba eletrisidade.
Notísia Relevante: To’o agora, Aldeia Hlalameta-Tabulasi seidauk asesu eletresidade
Gabriel Mendonça hateten, airin eletrisidade ba aldeia rua ne’e kompañia tau ona iha suku refere maibé seidauk iha autorizasaun hosi ministériu relevante entaun to’o agora kompañia seidauk book.
“Ai-riin iha tihan ona maibé atu dada ne’e mak to’o agora seidauk. Nu’udar xefe suku, ha’u sente triste tanba Timor hetan ona ninia indepedénsia kleur ona maibé komunidade barak to’o agora seidauk asesu ba eletrisidade,” Gabriel Mendonça hateten ba Agência TATOLI hafoin Secretário de Estadu para a Comunicação Social, Mericio Juvinal Akara, hala’o diálogu komunitária ho komunidade sira iha Seloi Craik, iha Sede Suku Seloi Craik, tersa ne’e.
Nia hatutan, kona-ba komunidade aldeia rua iha Suku Seloi Craik ne’ebé seidauk asesiu eletrisidade ne’e nia parte halo ona proposta ba ministériu relevante maibé to’o oras ne’e seidauk iha rezultadu.
“Ita-nia prekupasaun sira-ne’e, ita halo ona proposta ba ministériu relvante sira maibé seidauk iha resposta no rezultadu ne’ebé signifikante,” nia dehan.
Iha fatin hanesan, Adminitradór Munisípiu Aileu, João Tilman do Rego hateten, daudaun ne’e parte munisípiu nian mós tau ona preokupasaun eletrisidade ninian ba planu prioridade 2021 nian.
“Ita hein rezultadu orsamnetu ba Ministériu Obras Públiku (MOP) ne’ebé agora aprova ne’e, tanba orasamnetu ne’ebé aprova la’ós ba munisípiu ida ka rua maibé munisípiu hotu-hotu,” nia hateten.
Notísia Relevante: SECOMS sei harii mídia lokál iha munisípiu hotu
Aldeia Rua iha Seloi-Kraik Seidauk Asesu Eletrisidade
Jornalista: Arminda Fonseca
Editór: Cancio Ximenes
