DILI, 26 fevereiru 2021 (TATOLI)— Diretora Ezekutiva Fundu Dezenvolvimentu Kapitál Umanu (FDCH sígla potugés), Leila Cárceres dos Santos, prepara hela relatóriu benefisiáriu Timoroan ne’ebé durante ne’e asesu bolsa estudu iha rai-laran no rai-liur, atu aprezenta ba Ministru Ensinu Superiór, Siénsia no Kultura (MESSK), iha tempu badak.
“Ha’u seidauk bele fó-sai dadus ne’e tanba ita seidauk finaliza relatóriu. Kuandu ha’u aprezenta ona ba Ministru, ha’u bele informa-mós ba média,” Leila Cárceres dos Santos hateten ba jornalista Agência Tatoli iha INAP Comoro, sesta ne’e.
Notísia Relevante:FDCH simu tetu fiskál 2021 ho valór millaun $ 13
Diretora ne’e dehan, tuir loloos bele fó sai ona konteúdu relatóriu liuliu númeru benefisiáriu ba média, maibé Ministru rasik seidauk simu relatóriu ne’e, entaun presija asegura.
Maski nune’e, nia dehan, relatóriu ne’e estimula programa bolsa estudu ba benefisiáriu-sira ne’ebé finaliza ona sira-nia estudu, no agora daudaun sira-ninia paradeiru iha ne’ebé, na’in hira mak asesu ona ba serbisu inklui na’in hira mak seidauk hetan serbisu.
Dadus ne’e rasik FDCH halo rekapitulasaun hahú hosi tinan 2011 to’o 2020.
Notísia Relevante:FDCH prevee millaun $1.5 ba programa bolsa hakbiit
Jornalista: Tomé Amado
Editór: Cipriano Colo
