iklan

COVID-19, HEADLINE, POLÍTIKA

Baucau-Viqueque nafatin iha períodu impozisaun serka sanitária

Baucau-Viqueque nafatin iha períodu impozisaun serka sanitária

Primeiru-Ministru, Taur Matan Ruak, prezide reuniaun Konsellu Ministru, iha Palásiu Governu, kinta (08/04). Imajen TATOLI/Egas Cristovão

DILI, 08 abríl 2021 (TATOLI)—Ezekutivu sira liuhosi reuniaun Konsellu Ministru (KM) aprova Projetu Rezolusaun Governu ne’ebé mantein impozisaun serka sanitária iha munisípiu Baucau no Viqueque ba loron hitu tan.

“Nune’e sei kontinua bandu sirkulasaun ema entre munisípiu sira ne’e no munisípiu seluk, exetu iha kazu sira ne’ebé ho fundamentu forte tanba razaun hanesan seguransa públika, saúde públika, asisténsia umanitária, manutensaun sistema abastesimentu públiku ka ba realizasaun interese públiku,” Ministru Prezidénsia Konsellu Ministru, Fidelis Manuel Leite Magalhães, relata hafoin ramata reuniaun ezekutivu, iha Palásiu Governu, kinta ne’e.

Notísia relevante: Governu renova serka sanitária iha munisípiu tolu

Tuir Portavós Governu, mantein serka sanitária iha munisípiu rua ne’e bazeia ba rekomendasaun sira hosi Sala Situasaun-Sentru Integradu Jestaun Krize (CIGC, sigla portugés) no atualizasaun dadus, katak Baucau iha kinta ne’e rejista kazu foun hamutuk lima nune’e totál kazu ativu 34.

Enkuantu iha Viqueque, ohin loron kazu foun laiha, nune’e totál kazu ativu iha munisípiu ne’e hamutuk haat.

Nune’e mós, Governu deside la halo renovasaun ba impozisaun konfinamentu domisiliáriu jerál ba populasaun iha munisípiu rua ne’e.

Jornalista: Antónia Gusmão

Editora: Julia Chatarina

iklan
iklan

Leave a Reply

iklan
error: Content is protected !!